Ырчы Асел Касымова элди келесоолорго теңеп, сынга кабылды
Сахнага чыгып, ырдап, таанылып калган ырчы-чоорчулар Инстаграм баракчасына ар дайым жаңылыктарын жазып турушат. Айрымдарынын ал баракчада миллиондон катталуучулары бар.
Ырчыларга Инстаграм баракчасына ар кандай сын-пикирлер жазылып, ошону менен катар мактоолор да болуп турат.
Эстрада ырчысы Асел Касымова Инстаграмдагы жеке баракчасынан катталуучуларына ийгиликтүү күн каалап, төмөндөгүдөй билдирүү жазды:
“Баарыңыздарга ийгиликтүү күн каалайм. Кудай келесоолорго (жашынып негатив жазган, жалган ушак тараткан, ичи тар, сүрөтү жок баатырларга) мээ берсин. Оорулууларга ден соолук, жүрөгү таза адамдарга береке, ырыскы берсин”.
Ырчы айымдын “келесоо” деген сөзү айрым катталуучулардын кыжырын келтирди. Алар: “Өзүңөр кандай адам болдуңар экен”, ”Өзүңдү башкалардан бийик сезбе”, “сенин деңгээлин ушулбу” деген сыяктуу сындар айтылып, талкуу жаратууда.
Aryba.kg
