Анжелика: “Наным жок, карызымды жаап бербесеңиз өлөм” дегендер көбөйдү”
Мындай пикирин белгилүү ырчы Анжелика Кайратовна жеке Инстаграм баракчасынан билдирди:
«Мен бүгүн саат жетиде атайын турдум. Кээ бирлерге демалыш күндүн башталышы. Мен үчүн эң жоопкерчиликтүү күн. Эртең мененки тамак жасамай, кыздарымды кружокторуна жиберип, бир нече компаниялар менен келишим түзүүгө талкуу күнү. Буюрса, ишке ашып кетет деген ойдомун. Алгачкы гонорарыма 100 уюлдук телефон муктаж үй-бүлөлөргө дагы алып берем. Таң атканча “үйүм жок, наным жок, дарым жок, карызымды жаап бербесеңиз өлөм” дегендер андан бетер көбөйдү. Мен азыр бир багытта гана иштеп жатам. Онлайн билим алууга курал боюнча. Менде деле толо проблема бар. Кредиттер, чыгымдар, үч кызымды бакмай ж.б. Мен эсеп менен үнөмдөп, 20 саат иштеп, аракет кылуудамын» дейт ал.