Нурзат Токтосунова “Биримдик” партиясынын катарында шайлоого аттанды

31-август, 13:41

1 155 ᠌ ᠌ ᠌ ᠌᠌ ᠌ ᠌᠌

БШК талапкерлерди каттоо боюнча документтерди кабыл алууну токтотту. 3-сентябрга чейин партиялар айрым бир өзгөрүүлөрдү киргизе алышат.

Ал арада талапкерлердин тизмеси белгилүү боло баштады. Алсак, “Биримдик” партиясынын талапкерлер тизмеси ачыкталды. Белгилүү болгондой, алдыңкы ондуктан Акылбек Жамангуловду (“Мегаком” компаниясынын жетекчиси), социалдык өнүктүрүү министри Улукбек Кочкоровду, ИИМдин уюшкан кылмыштуулукка каршы күрөшүү бөлүмүнүн мурунку жетекчиси Талас Бегалиевди, депутаттар Төрөбай Зулпукаров, Евгения Строкова жана Аида Касмалиеванын ысымдарын жолуктурууга болот.

Экс-спикер Асылбек Жээнбеков “Биримдиктин” тизмесинде 27-катарда. Ошондой эле депутаттар Марат Аманкулов, Азамат Арапбаев, Улан Примов, Айбек Алтынбеков, Бакирдин Субанбеков жана башкалардын ысымдарын кезиктирүүгө болот.