ЖАМК башчысы Аскат Эгембердиевге күмөн саноолор күчөдү
Түрмөдөгү Мелис Аспеков улам чуулгандуу видеолорун чыгарып, көпчүлүктү дүрбөтүп салды го? “Саясый чыгармачылыктын” мазмунуна токтолбой эле коёлу. Бирок, олуттуу маселе бар. Ал абактан телефон пайдаланып, видео кайрылуунун топтомдорун тартканга кандайча шарт түзүлдү? Тыкыр текшерүүгө алынган эмеспи? Кандайдыр бир саясый күчтөрдүн пайдаланып аткан ишарасы байкалбайбы? ЖАМК жетекчиси Аскат Эгембердиев коомчулукка абалды түшүндүрүп, үн катып койбойбу? Кол астында иштегендер “тескери ойногон” кербездериби? Бул боюнча тийешелүү органдар эмне дешет? Айтор, суроолор арбын. Эң башкысы, Аскат Эгембердиевге карата ар кандай күмөн саноолор күчөдү. Билдирүү кылып, түшүнбөстүктөрдү чечмелеп койсо болмок. Ириде бийликтин беделине шек кетип атса, акыл калчап, талдоо керек да...
"Азия Ньюс" гезити
