Азиз Батыров: “Мени сарт дегендери жүрөгүмө бычак сайгандай болуп жатат”
Ырчы Азиз Батыров интернет аркылуу ага жаман сөздөрдү жазган мекендештерине нааразы. Ал бул тууралуу Фейсбуктагы жеке баракчасына төмөнкүдөй таарынычын жазып чыкты:
“Мен бүгүн таарынычымды жазамын, анткени мага мындай жазуулар көбөйүп баратат, эми ачыкка чыгарып тийиштүү жерге кайрыламын! Урматтуу кыргыз элим, билемин менин өнөрүмдү баалап, мени көтөрмөлөп колдоп жатасыздар, ал үчүн терең ыраазычылык билдиремин, мен сиздерге эркелеп эрке уулуңар болуп, сый урматыңыздарга бөлөнүп жүрөмүн. Бирок эмнегедир акыркы күндөрдө айрым мекендештерибиз менин менчик катыма “Сарт. Бөрү баласы ит болбойт” деп менин улутума шек келтирип шылдыңдап, ар-намыска тийчү сөздөрдү жазып баштады. Мейли, мени уят сөз менен сөксүн, башка нерсе деп тилдесин, бирок, улутумду айтып жазуусу жүрөгүмө бычак сайгандай эле болуп жатат...”
