Шахтада ууланып, бир туугандар каза болду

11-декабрь, 09:16

766 ᠌ ᠌ ᠌ ᠌᠌ ᠌ ᠌᠌

Кечээ, 10-декабрда, Баткен облусунун Сүлүктү шаарындагы шахтада иштеп жаткан төрт киши каза болду.

Парча-Тоо тилкесинде жайгашкан “Ормон” ЖЧК шахтасында газ чыккан. Кырсыктын кесепетинен шахтанын 4 жумушчусу ууланып каза тапкан.

Куткаруучулар мерт болгон адамдардын сөөгүн шахтадан чыгарып, туугандарына өткөрүп бергени айтылат.

Шахтада каза болгон төрт кишинин экөө бир туугандар болгон. 

Маркумдардын төртөө тең Лейлек районунун Тогуз-Булак айыл өкмөтүнүн Айбике айылында жашачу. Алардын эң улуусу 42 жашта, кичүүсү 23 жашта болгон. Ал эми бир туугандар 32 жана 34 жашта экени кабарланды.

Айыл тургундарынын айтымында, эң кичүү жигиттен башкасынын баары үй-бүлөлүү болгон. Алар ошол шахтада көмүр казып тиричилик кылышчу.

Aryba.kg