Ректор Абдылда Мусаевдин сыйлык алганы – эмгегинин акыбети
Негизи наамдар көп учурда тааныш-билиштерге таратылып келгени жашыруун эмес. Бул жагы адатка айланып калгандай. Коомчулук да көрүп-билип келет. Аларга токтолуунун кажети деле жок, бирок ак-караны эсибизге ала жүрүүбүз парз.
Эгемендүүлүк күнүнө карата К.Карасаев атындагы БМУнун ректору Абдылда Мусаев 3-даражадагы “Манас” ордени менен сыйланды. Албетте, бул татыктуу тандоо! “Саман-пыры” аралаш сабатсыздар баркталып аткан заманда, каарман агайыбыз кызыл дандай көптөрдөн өзгөчөлөнө алды. Себеби, билим берүү жана илимдин даңгыр жолунда жарым кылымга жакын убакыттан бери эмгеги сиңип келатат. Мындан да жогорку сыйлыкка татыса жарашмак, бирок ал жагы келечекке калса керек. Аныгында, Абдылда Мусаевдей инсандар бааланса, бийликтин бедели үчүн да пайдалуу. Дал ушундай саамалыктар дагы да уланып, агартуучулукка ак дилден кызмат кылгандар эске алынса, элибиз да алкап алат эле...
"Азия Ньюс" гезити
