Төрөхан Жунусбеков, молдо: “Ысырапкорчулук күнөө болот, Алланын ачуусун келтирет...”
-- Той-аштардын көбөйүп атканы кандай? Ысырапкорчулукка каршы улуттук саясатыбыз ара жолдо калдыбы? Бул боюнча президенттин жарлыгы аткарылбайбы?
-- Негизи ысырапкорчулук күнөө болот жана Жараткан Алланын ачуусун келтирет. Токчулуктун, барчылыктын кадырына жетпесек, Алла ачкачылык жөнөтөт. Ошондуктан баардык нерсени сарамжалдуу колдонуп, каражатты коромжу кылбай, башка бир пайдалуу нерселерге жумшасак жакшы болмок.
Ысырапкорчулукка каршы улуттук саясат ара жолдо калбасын десек, бул иштин башына Камчыбек Кыдыршаевичти бекитсек жакшы жыйынтык чыгарат беле? Ушундай ой келет. Акыркы табигый кырсыктарды эске алсак, жалаң эле эс алуучу жайларды сел алып жатат. Мунун баары жөн эмес. “Эсиң барда этегиңди жап” деген ойлоно турган маселе. Кайсы жерде зынаа көп болсо, ошол жерде жер титирейт... Алла өзү сактасын! Бишкекте жазында көп жер титирөөлөр болду. Баардык нерсеге аяр, астейдил мамиле кылбасак, табигый кырсык болбойт (!) деген кепилдик жок да.
"Азия Ньюс" гезити
