Элдар Абакиров: “Учурда ишеним туудура турган кадрларга муктажбыз”
Экономика министринин мурунку орун басары менен маек.
-- Мэриядагы жаңжал, жаңылыштыктар, учурдагы кадр тандоо маселелери кандай ой-пикир жаратууда?
-- Азыркы учурда Кыргызстан үчүн эң негизги маселе – ишеним туудура турган кадрлар жана алардын сөз менен эмес, иш менен элге жыйынтык көрсөтүүсү аба менен суудай зарыл болуп турат. Ошондой кадрлар керек. Эскиден жаман иштери калган кадрлар элдин ишенимин ала албайт. Анда туруктуулук болбойт. Ошол эле кезде артында “куйруктары” жок, ишти жасай билген, сөз менен эмес эмгек менен өзгөрүү тартуулай алган кадрлар келсе жакшы болмок. Бийлик эң жакшы кадрларды алып келген күндө деле Кыргызстанды бутка тургузуш оңой болбойт. Январь айында экономика 7,6%га төмөндөп кетти. Чындыгында абал оор. Ошон үчүн эң таза, элдин ишенимине ээ боло алган билимдүү кадрлар керек.
"Азия Ньюс" гезити
