Мыктыбек Арстанбек «Нур» партиясын түздү, экинчи Афганистанга айланабызбы?
Президенттикке талапкер болгон молдоке Мыктыбек Арстанбек «Нур» аталышында жаңы саясый партия түздү. Бул тууралуу 14-январда маалымат жыйынында кабарлады. Партия лидери Мыктыбек Арстанбектин айтымында, азырынча 11 мүчөсү бар. Каалагандар кошулса болот.
«Адамдарды өзүн-өзү багып, капиталисттик система менен жашоого үйрөтүүбүз керек. Биздин негизги максатыбыз, ишкерликке басым жасайбыз», - деди ал.
Бирок, Мыктыбек Арстанбектин ашынган динчил экенин эске алып, түпкүлүгүндө кайда барарын элестетип көрбөйлүбү? Исламдын жактоочусу, молдоке светтик өлкөдө саясатка аралаша албайт да. Кайда баратабыз? Конституцияда “дин саясаттан тышкары” деп жазылып турат. Ислам мамлекетин куруунун башатыбы? Аягы Афганистанга алпарабы? Айтор, суроолор көп. Дааватчылар парламентке келүүнү самашып, аягы Кыргызстанды жок кылышпайбы?..
