Бишкек дүйнөдөгү эң кир, ыш-түтүнгө чулганган шаар катары атагы чыкты
Ушул эле жетишпей жаткан да! Бишкек дүйнөдөгү эң кир, булганган, ыш-түтүнгө чулганган шаар катары атагы чыкты. Бул боюнча бир катар чет элдик басылмалар жазышып, атайын берүүлөрдү даярдашып, көңүл чордонуна алышууда. Ал эми кыргыз бийлиги эч кандай чара көрө албайт экен, болгону кийинки жылга карай газдаштырууга барарын, көмүр жагууну азайтууну гана билдирди. ТЭЦ жана жеке секторлорду толук кандуу газ менен жылытууга шарт барбы? Экономикалык каатчылык орун алып турганда, бир жылда тазарууга бара алабызбы? Күмөндүү. Эң өкүнүчтүүсү, эл аралык коомчулукка Кыргызстан инвесторлорду кордогон, имарат, заводдорун өрттөгөн өлкө катары таанылып келгенбиз. Коррупцияны айтпай ак коёлу! Бу саам болсо, артта калган, ден соолукту талкалай турган борборубуз менен даң салып турабыз! Мындай шартта тышкы инвестиция кайдан келмек эле? Өнүгүүнү кыялдануудан ичиркенесиң...
"Азия Ньюс" гезити
