Акыркы кабарлар
22:58
» Коом » Уулуу жыланды оозуна салып ойногон бала. Ушундай да болобу?
Уулуу жыланды оозуна салып ойногон бала. Ушундай да болобу?
08-сентябрь, 17:43
Бир жашар бала уулуу жыландын баласын оозуна салып алган. Бул тууралуу Sify басылмасы жазып чыкты.
Окуя Индиянын Пенджаб штатынын Бхолапур аттуу айылында болгон. Бир жашар бала ойноп отуруп, оозунан бир нерсени чыгарып, кайра салып отурганын апасы байкап калган. Чөп экен деп оозунан алып чыгып, көргөн көзүнө ишенбей калтырак басып, алапайын таппай калган. Анткени баласынын оозунан өтө уулуу делген жыландын 15 см келген баласын алып чыккан. Бала жылан өлүк болгон. Баланын атасы фермер Дхарампал баласын оорукана алып барып, ууга каршы дары сайдырткан. Дарыгерлер текшерип, баланын ден соолугу жакшы, эч кандай коркунуч жок экенин айтышкан. Ал эми бала оозуна салып ойногон бала жылан баланын колунан өлгөнбү, же ага чейин өлүк болгонбу – белгисиз бойдон калууда.Аргумент.кж
