Нурказы Батырбеков: “Миңдеген адамдардын вирустан ооруганы, өлүмү унутулуп калабы?”
-- Нурказы мырза, гепатит оорусу боюнча көп көйгөйлөрдү көтөрдүң эле. Учурда анын баары унутулду, эми шайлоого аттанган партияларга кандай кайрылууң бар?
-- Азыр баардык маалымат каналдарында шайлоо өнөктүгү жөнүндө кыйкырып жатышат. Бүгүнкү күндө шайлоо кампаниясына катышууну каалаган 44 партия катталган. Ал эми уставдык капиталы 5 миллион сом. Тараптар ушунчалык көп акчаны кайдан алышкан? Алар бул акчаны кымбат баалуу жабдууларды сатып алууга бере алышпайбы?
Мекендешим! Коронавирус инфекциясы менен күрөшүп жаткан учуруңуз сизге бир нерсе үйрөттүбү, сабак ала алган жоксузбу? ЮРФАда бир нече күн туруп, өпкөгө компьютердик томография жасалып, текшерүүдөн өтүшүн күтүп отурган убакты унуттуңузбу? Күндүз “өрт” болуп жатканда тууган-туушканыңызды ооруканага жаткыруу үчүн ооруканадан орун таба албай калганыңыздычы? Медициналык жардамды күтө албаган жакындарыңызды кандай жерге көмүп койгонуңуз эстен чыктыбы?
Эмне үчүн бизге азыр шайлоо керек? Бүткүл дүйнө коронавирус инфекциясынын экинчи толкунун күтүп, даярданып жатат. Өлүмдүн көптүгү боюнча биринчи орунга чыккан биз болсо депутаттарды шайлайбыз. Акырында саясат эң баалуу нерсе болуп чыкты. Коронавирус инфекциясы биздин медицинада чоң көйгөйлөрдү жараткандыгын унутуп калдыңызбы? Дарыгерлер, медайымдар жок, КТ, МРТ, рентген аппараттары, лабораториялык жабдуулар жана башкалар сыяктуу эч нерсе жок...
Биринчи толкун кайгы менен өттү. Экинчи толкунда эмне кылабыз? Бийлик үчүн жана партиялар биринчи кезекте эмне болушу керек экендигин түшүнүү үчүн дагы канча адам өлүшү керек?
Өнөкөт гепатит менен ооругандарды дарылоо жана башка бейтаптар үчүн кымбат баалуу жабдуулар, айлык акыны көтөрүү маселеси артта калып, жылыш жок артта калуудабыз. Бирок, биз сөзсүз түрдө депутаттарды шайлашыбыз керек. Байлык, бийлик үчүн жанталашуу... Миңдеген адамдардын өлүмү да көп нерсеге сабак боло албады. Аргасыз, айласыз биздин мекендештер келечектеги депутаттардан биздин ооруканаларга КТ, МРТ аппараттарын сатып алууну сураналы. Башка айла деле жок.
Жамиля Нурманбетова
"Азия Ньюс" гезити
