Дастан Бекешов, ЖК депутаты: “Мыйзамсыз курулуштар үчүн жоопкерчилик жогорулайт”
-- Дастан Далабаевич, сиз мыйзамсыз курулуштар боюнча бир топ жолу маселе көтөрдүңүз эле, бирок акыркы кездерде бул багыттагы аракет солгундап, атүгүл токтоп калгандай сезилет...
-- Токтогон жок. Мен атайын мыйзам долбоорун сунуштадым. Бир топ курулуш компаниялары эмитен эле ал мыйзамдан коркуп, “кичине коё турбайсызбы, карап көрбөйлүбү” деген сөздөрдү айта башташты. Бул жакка келип, “депутаттар арасында мыйзам долбоорун четке каккыла” деп үгүт иштерин жүргүзүп жатышат.
-- “Коркуп” деп атпайсызбы, ал мыйзамда корко турган кандай жобо бар?
-- Жоопкерчилик жогорулайт. Курулуш учурунда кандайдыр бир мыйзам бузуулар аныкталчу болсо, жеке адамдарга 20 миң, юридикалык тараптарга 65 миң сом айып пул салынат. Эгер андай сапатсыз имарат пайдаланууга бериле турган болсо, күнөөлүүлөр үчүн 8-12 жыл эркинен ажыратуу жазасы каралган. А эгер курулушка сапатсыз материалдар пайдаланылса, айыптуулар 3 жылдан 5 жылга чейин камалат.
"Азия Ньюс" гезити
