Кызматын ак жана так аткарган Мирланбек Насировдун мыктылыгы
ГСУнун начальниги Мирланбек Насиров катардагы тергөөчүлүктөн жогору карай баардык тепкичтерди ырааттуу басып өтүп, азыркы даражасына татыктуу түрдө жетиптир. Бул боюнча аны жакшы билгендер айтышты. Ооба, сыртынан эле белдүүлүгү байкалып турбайбы...
Каарманыбыздын жогорку адамдык сапаты, эмгекчилдиги, бай тажрыйбасы өз чөйрөсүндө бааланат экен. Кызматын ак жана так аткарып, ар дайым жоопкерчиликтүү мамилеси менен көзгө көрүнө алыптыр. Ошого катар Мирланбек мырза ишенимдүү, туруктуу кадр катары калыптанып, ИИМдеги өсүп келаткан мыкты жетекчилердин сап башына чыга алганы да бекеринен эместир. Келечекке карай жасаган иши бааланып, дагы далай ийгиликтерди жаратып, мамлекетке пайдалуу кызматын кыла беришине тилектешпиз!
Эртеңки күнү Мирланбек Насировдун системага реформа жасаганы, адилеттүүлүк менен мыйзамдуулукту туу тутканы, дээрлик тазалыкка баш урганы айтылып, тарыхта жазылып кала берсин! Акыры татыктуулар аттын кашкасындай көрүнүп, алдыга чыга келет эмеспи.
Бул жигит негизи алыска чуркачудай...
