Вирустун жайылышы коркунучтуу болууда, кайдан жуктурганын билбей кайрылышууда
Күн сайын коронавирус менен ооруган бир нече адам аныкталып, алар кантип жана кимден жуккандыгын билишпейт. Бул тууралуу 29-апрелде биринчи вице-премьер-министр Кубатбек Боронов жыйын учурунда билдирди.
"Коронавирустун жайылуусу коркунучтуу болууда. Күн сайын 10-20 жарандан вирус аныкталат. Көбүнчө үй карантининде жүргөндөрдүн же байкоо жүргүзгөндөрдүн арасында. Бир нече жаңы учурлар бар, алар кайдан жукканын билишпейт", - деди Боронов.
Анын айтымында, айрымдары ооруларын жашырып, өзүн-өзү дарылашат.
Өлкөдө 114 коронавирус инфекциясы аныкталган. Эпидемиологдор жана башка адистер кирген мобилдик топтор ушул аймактардын тургундарын текшерип, маектешип, дене табын текшерип турушат. Зарыл болсо, экспресс-тесттен өткөрүп, жыйынтыгына жараша кийинки ишти уланта беришет.
"Бул иш-аракеттердин натыйжасында, 114 оорунун кантип жана кимден жукканын билбеген тургундар аныкталды", - деп кошумчалады Боронов.
