Акыркы кабарлар
» Коом » Россиядан Кыргызстандын мектептерине 150 мугалим келет
Россиядан Кыргызстандын мектептерине 150 мугалим келет
08-ноябрь, 17:10
Россия Федерациясынын билим берүү министрлиги 2023-жылы Кыргызстандагы мектептерге 150 мугалимди “Чет өлкөдө орус мугалими” долбоорунун алкагында жиберүүнү көздөөдө. Бул тууралуу аталган башкармалыктын басма сөз кызматы билдирди.
Алардын айтымында, долбоордун алкагында Россиянын билим берүү министрлиги менен Кыргызстандын билим берүү министрлигинин ортосунда 2023-жылы 150 мугалим КР мектептерине жибериле тургандыгы боюнча келишим түзүлгөн.
Мындан тышкары, Россия Федерациясынын билим берүү министринин орун басары Денис Грибов менен Кыргызстандын билим берүү министринин орун басары Надира Джусупбекова республикада курулган мектептердин бирин иштетүү боюнча келишимге кол коюшту.
“Окуу жайда окутуу орус тилинде жана россиялык билим берүү стандарттарына ылайык жүргүзүлөт” деп белгилешти башкармалык.
