Акыркы кабарлар
» Коом » Бюджеттик кызматкерлер аралыктан иштөөгө таратылат
Бюджеттик кызматкерлер аралыктан иштөөгө таратылат
24-март, 12:06
Баардык мамлекеттик органдар, министрликтердин кызматкерлери аралыктан иштөөгө кое берилет. Бул тууралуу вице-премьер-министр Эркин Асрандиев билдирди.
«Баардык мамлекеттик органдардын, министрликтердин жана мекемелердин жетекчилери өлкө аймагында өзгөчө абал режимин киргизүү мезгилинде, коронавирус инфекциясынын андан ары жайылышына жол бербөө максатында кызматкерлерин санитардык чараларды так сактоо менен аралыктан иштөөгө коё берсин», - дейт вице-премьер-министр.
Кыргызстанда Бишкек, Ош, Жалал-Абад шаарларында жана Ноокат, Сузак, Кара-Суу райондорунда 25-марттан баштап 15-апрелге чейин өзгөчө абал киргизилүүдө.
