Чубак ажы нааразы... Оппозицияга оосо, кадыр-баркы дагы көтөрүлөбү?
Буга чейин белгилүү аалым Чубак ажы Жалилов күздө өтө турган парламенттик шайлоого катыша турганын, өзүн эң татыктуу көрөрүн билдирген. БШК болсо: “Чубак ажы Жалилов диний ишмер, андыктан шайлоого катыша албайт” деп билдирип, мыйзамга карама-каршы келерин ачыктаган экен.
Бул билдирүүнү уккан аалымыбыз нааразы болуп, бирок көздөгөн пикиринен кайтпай турганын уктук. Ошондо оппозицияга өтүп, бийлик органдарына каршы позициясын улантабы? Күч органдары артынан түшүп, кыйнап баштабайбы? “Жети өлчөп, бир кесет” эмеспи, кандай кадамга барарын жакында расмий ачыктаса керек. Эске алсак, Чубак ажынын Кыргызстанда жана мигранттар арасында жүз миңдеген колдоочулары, күйөрмандары бар. Эгер ал шайлоого катышса чоң саясый күчкө айланары да жашыруун эмес. Тарыхта диний ишмерлер алдыга суурулуп, бийлик башына келип калган өлкөлөр да арбын...
Aryba.kg
