Акыркы кабарлар
22:58
» Коом » Москва 28-октябрда карантинге жабылат
Москва 28-октябрда карантинге жабылат
25-октябрь, 17:07
Россиянын алты регионунда бүгүнтөн тарта коронавирустун жайылуусун алдын алуу максатында бош күндөр башталды. 20-октябрда президент Владимир Путин 30-октябрдан 7-ноябрга чейинки жуманы эс алуу деп жарыялап, бирок жергиликтүү бийликтерге эпидемиологиялык кырдаалга жараша аны узартуу же кыскартуу мүмкүнчүлүгүн берген.
Бош күндөрдө ишкана, кеңселердин көбү жабык болот. Оорукана, дарыкана, азык-түлүк дүкөндөрү кандимкидей режимде иштей бермекчи. Көпчүлүк коомдук жайларга QR-код менен гана кирсе болот. Айрым аймактарда улгайган кишилер милдеттүү түрдө обочодо болууга тийиш.
Москвада 25-октябрда жаңы чектөөлөр кирди. Мэрдин буйругу менен 60тан ашкан тургундар жана өнөкөт оорулары бар кишилер үйдө отуруш керек. Бул чектөө эмки жылдын 25-февралына чейин иштейт. Бирок эреже акыркы жарым жылда коронавирустан айыккандарга жана толук эмделгендерге жайылбайт. Ишканалардагы кызматкерлердин 30%ы аралыктан иштөөгө өттү.
