Эгемендүүлүк майрамынан кийин 4 тонна таштанды тазаланды

01-сентябрь, 11:55

1 468 ᠌ ᠌ ᠌ ᠌᠌ ᠌ ᠌᠌

Кечээ, 31-августта эгемендүүлүк майрамынан кийин Бишкектеги Ала-Тоо аянтынан төрт тонна таштанды чыгарылды. Бул тууралуу Бишкек шаардык мэриясынын басма сөз кызматынан маалымдашты.

Маалыматка ылайык, бул жылы аянтка шаар тургундары атайын уюштурулган концерт жана майрамдык салют көргөнү келишти.

“Жалпысынан 8 бирдик атайын техника тартылган. Анын ичинде 5 таштанды жыйноочу жана 3 сугаруучу унаа. Таң аткандан баштап "Тазалык" ишканасынын 60 кызматкери майрамда үзгүлтүксүз нөөмөттө болушту. Тазалоо иштери түнкү саат 02:00гө чейин созулду” деп жазылат маалыматта.