Акыркы кабарлар
» Коом » Вице-мэр Бишкектеги мектептерде окуу качан башталары тууралуу айтты
Вице-мэр Бишкектеги мектептерде окуу качан башталары тууралуу айтты
10-август, 16:53
Бишкектеги мектептер менен бала бакчалар кандай форматта иштей турганы 20-августтан кийин белгилүү болот. Бул тууралуу калаанын вице-мэри Виктория Мозгачева маалымдаган. Анын айтымында, азыр мектептер менен бала бакчаларда ремонт иштери аяктап жатат.
“Мугалимдер менен мектеп директорлору эс алуудан келишип, жаңы окуу жылынын башталышына даярдыктарды көрүп жатышат. Биз балдардын офлайн-окуусун каалайбыз. Окуучуларды партага отургузуу керек, анткени билим берүүнүн коэффициенти менен деңгээли төмөндөөдө. Азыр мугалимдерди эмдөө иштери боюнча маселени чечип жатабыз” дейт вице-мэр.
В.Мозгачева белгилегендей, азырынча мектептер кандай форматта ишин баштай турганы тууралуу чечим жок.
