Эмилбек Каптагаев: “Масадыков мырза өзүн көрсөтө турган эки саамды өткөрүп жиберди”
Коомдук ишмер Эмилбек Каптагаев Масадыковдун алгачкы каталарын жазып чыкты.
“Президенттин орун басары болуп дайындалган Масадыков мырза өз компетенттүүлүгүн көрсөтө турган эки саамды өткөрүп жибердиби дейм.
Биринчиси, Ташкентте өткөн Афган маселеси боюнча чоң жыйын... Барып, катышып, маселедеги Кыргызстандын позициясын так чийип көрсөтүп келсе дурус болмок. Бул жерде катардан калып калгандай болуп калдык, эсепке кирбей...
Экинчиси, Афгандан башын калкалап тажик чегинен өтүп кеткен кыргыз боордоштордун маселеси. Тышкы иштер министрлиги алакан жайып отурат: “...тажик коңшулар бизди тоотуп да койбой, кайрылууларга жооп да бербей, келгендерди кайра афган чегинен ары сүрүп салды” деп. Ушул жерде чечкиндүүлүк, компетенттүүлүк көрсөтүп, өлкөнүн позициясын коргоп алса дурус болмок.
Дайындалганда эл катары мен да сүйүндүм эле...”.
"Азия Ньюс" гезити
