Экс-депутат Нооманжан Аркабаев чек ара маселеси боюнча калыс кеп айтты
Кечээ 15-январда борбордо өткөн чек араны чечүү боюнча митингде ЖКнын экс-депутаты Нооманжан Аркабаев чек ара маселеси кылдаттуу карала турган иш экендигин билдирди. Айтымында, чек ара жөнөкөй маселелердин бири эмес. “Мында эки улуттун ортосуна бүлүк салып, ызы-чуу кылуунун ордуна баары бирдей тынчтыкты сактап, президентке жардам бериши керек жана бул эки тараптуу сүйлөшүү менен чечилчү иш” деди экс-депутат.
Чындыгында ошондой, учурда патриот болумуш эткендер маселени кабыргасынан коюшуп, шаштырууга бет алуу менен нааразычылык акциясына түшүп алышты. Эң башкысы, президент жети өлчөп, бир кескендей кылдаттык менен чечимге баруусу шарт. Жер талашуудан бөөдө кырсык, адам өлүмдөрү болбошу зарыл. Андыктан, сабырдуулук менен туура жыйынтыкты күтө туралы...
"Азия Ньюс" гезити
