Баялы Саркулов, серепчи: “Сөз эркиндигин жамынып, идеологиялык, руханият багытындагы көп нерсени жоготуп алдык”
-- Өлкөдө сөз эркиндигинин чектелиши менен адам укуктарынын бузулушу көбөйүп бараткан жокпу?
-- Өтө татаал суроо. Мисалы, адам укугу деп эмнени айтабыз? Адамга көп укук берилген: дин укугу, мыйзамдуу укук, светтик укук ж.б. Менимче, “биз биринчи кезекте Кыргызстанда кандай укуктар менен жашашыбыз керек экенин так аныктап алдыкпы?” деген суроо мени көп ойлонтот. Ал эми сөз эркиндиги тууралуу бизде көп чек коюлган жок. Учурлар өттү, сөз эркиндигине жамынып идеологиялык, улуттук, руханият багытында көп нерсени жоготуп да алдык. Раматылык Дооронбек Садырбаев агайдын бир жакшы сөзү бар эле: "Мышыкты деле бир бурчка камап алып оокат бербей кыйнай берсең, бир күнү өзүңө кол салат" деген. Ошондуктан баардык нерсе эби менен болгону жакшы.
"Азия Ньюс" гезити
