Айпери Кеңешбек кызы, модель: “Кыш мезгили мен үчүн өзгөчө жомоктогудай мезгил”
-- Айпери, жакынкы күндөрү кандай ийгиликтерди жараттың? Кандай конкурстарга катыштың?
-- 15-декабрь күнү “Жыл мыктысы–2024” иш-чарасын ордолуу Ош шаарында ийгиликтүү өткөрдүм. Жашоомдогу акыркы өзгөрүүлөргө байланыштуу сулуулар конкурстарынын баарын токтоттум.
-- Кыш мезгили сен үчүн кандай мезгил? Жаңы жыл сен үчүн кандай майрам?
-- Айланананын баары ак карга чулганып, сулуулук тартуулаган кыш мезгили мен үчүн өзгөчө жомоктогудай мезгил. Жаңы жылды негизи мен аябай деле майрам катары көрбөйм, бирок 2025-жыл – Жылан жылы менин мүчөл жылым экен. Ошондуктан быйыл жаңы жылды чыдамсыздык менен күтүүдөмүн.
-- Үй-бүлөңдө, жеке жашооңдо кандай жаңылыктар бар?
-- Жеке жашоомдо, үй-бүлөмдө чоң жаңылык жана чоң өзгөрүү болду, көптөн күткөн кызыбыз жарык дүйнөгө келди. Учурда кызыбыз беш айлык болуп, энелик бакытка балкып турган кезим.
-- Жылан жылында кандай өзгөрүүлөр болот?
-- Жылан жылында буюрса карьералык өсүштө чоң өзгөрүүлөр болот деп ишенем. Себеби, азыркы учурда чоң долбоордун үстүндө иштеп жатам.
"Азия Ньюс" гезити
