Айрыкча карантинде күйөөңүздү мактап туруңуз!
Күйөөңүздү мактайсызбы? Сүйүктүүңүзгө, күйөөңүзгө махабатыңызды жеткирүүнүн бир ыкмасы - аны мактоо. Мактооңуз чын жүрөктөн болуш керек. Ар бир ишине алкыш айтып, мактоо сөздөрдү айтып жүрсөңүз, жолдошуңузга майдай жагаары сөзсүз. Сиз күйөөңүздү кандай мактайсыз?
Жолдошуңуздун сулуу экенин айтыңыз. Спорт менен машыга турган болсо, чымыр денесин, сымбаттуу келбети тууралуу айтыңыз. «Сиздин коргоочу, арка сүйөр тирегиңиз» экенин айтып туруу аркылуу өзүңүздүн аялга таандык назиктигиңизди, эркелигиңизди унуттурбайсыз.
Онтойлуу учур келсе, аңгеме арасында мактап үйрөнүңүз жана мактай турчу учурду өткөрүп жиберип албаңыз. Атайылап жагынуу үчүн мактаганыңыз терс таасир берет жана эркектер андайды сезип турушат.
Досторуңуздун, туугандардын көзүнчө күйөөңүздү мактап койсоңуз, дардалаңдап калат. Жана сизди мурункудан да жакшы көрүп кетүүсү мүмкүн.
Жолдошуңузду мактоо ортолоруңуздагы сыйды артыруу менен бирге, бири-бириңизди баалоону үйрөтөт.
Ал эми мырзалардын жубайы үчүн эң чоң мактоо — анын жакшы жар, сулуу аял, акылдуу эне экенин айтып туура тандоо жасаганыңызды билдирүү болуп саналат.