Таң эртең менен бир стакан суу ичүүнү бүгүнтөн баштаңыз!
1. Таң эртең менен кайнатылган бир стакан суу ичүү абдан пайдалуу. Мындай жол менен сиз ичеги-карынды тазалаган болосуз. Дал ошол кайнак суу организмдеги керексиз заттардан арылганга жардам берет. Сууну тамакка 20-30 мүнөт калганда ичүү кажет.
2. 40-50 градуста кайнаган сууга бир чай кашык бал кошуп ичкен дагы жакшы. Бул жол дагы организмдеги ашыкча шлактардан арылууга жардам берет. Кайнак суу ичүү менен сиз организмди тазалап, тамак сиңирүүнү жакшыртып жана боордун иштөөсүн бир калыпка келтирген болосуз.
3. Ошондой эле сууга өзүңүз каалашыңызча лимон кошуп ичсеңиз дагы болот. Себеби, лимондун курамы калийге бай. Муну менен бирге стресстен арылууга дагы жардам берет. Лимон кошулган суу кан басымдын көтөрүлүшүнө жол бербейт.
Демек, сиз таң эртең менен бир стакан суу ичүүнү бүгүнтөн баштасаңыз болот.
"Азия Ньюс" гезити
