Кантип жашоонун даамын татып жашайбыз?
Негизи жашоонун мыйзамдары абдан эле жөнөкөй. Албетте, аны түшүнгөн адам жашоонун даамын татып жашай алат. Ал арада төмөнкү эрежелер дагы сизге ашыкча болбос.
Биринчи мыйзамдуулук
Каалоо жана ниеттерди чектебеңиз. Кыялдар өзүнөн-өзү орундалбайт. Аны сиз өзүңүз жасайсыз. Экөө тең сизден конкреттүү иш-аракеттерди талап кылат. “Сиз эмне кыла аласыз? Сиз кандай кадам жасай аласыз?” Ушул суроолорго так жооп берүү менен чечим кабыл алуу маанилүү. Андыктан, сиз бир гана аракет кылууңуз зарыл.
Экинчи мыйзамдуулук
Акысыз жана жеңил деген түшүнүк жок. Жашоодо бардык нерсеге “төлөө” керек. Төлөмдүн түрлөрү: акча, эркиндик, убакыт, энергия, ден соолук, чыдамдуулук, эмгек жана башкалар.
Үчүнчү мыйзамдуулук
Жаңы жумуштун башталышында ката кетирүүдөн, жумушун, жашоосун, стилин, жашоо образын өзгөртүүдөн корккон адам эч качан алдыга жыла албайт. Мындай адамдардын жашоосу бир калыпта кете берет. Андыктан, бул жашоодо ката кетирүүдөн эч качан коркпоңуз.
"Азия Ньюс" гезити
