Мээрим сулуу, сен бийиктесиң, а мен көчөдө...
(Мээрим Жуманазаровага!)
Аз күн мурун эл аралык мелдешти көрүп жатып, сага чексиз суктандым. Дене-мүчөң толуп, ажарыңа чыгыпсың эй! Ушундай келишимдүү жансың, андан да күрөшкөндү жогорку чеберчиликте көргөздүң. Дүйнөлүк рейтингде алдыга кеткен, бүтүндөй коомчулук тааныган сенин жүрөгүңдү кантип багындарам? Кийинки олимпиада мелдешине чогуу барууну кыялданып койдум. “Артык дөөлөт баш жарбайт” дечү беле? Жаңырган жылда колуңду сурасамбы? Ушул кыял менен жашайм. Сен бийиктесиң, а мен Эркиндик бульварында басып жүрөм. Үмүт кылып. Мээрим сулуу, чындыгында сага сыйым жогору. Абдан тырышчаак, аракетчил, келечектүү жансың. Күчтүүсүң. Мындайга акыл-эс, бекем мүнөз керек. Кыргыздан баатыр кыздар чыкса, ошолордун көч башынан өзүңдү көрөм. Сен жөнүндө кыялданып, тааныша турган күндү күтүп келем. Буюрса аз калды окшойт. Балким бул бакыт? Күтүү кандай жакшы! Өзгөчө Мээрим сулууну ойлоп жашаган...
Адыл
"Азия Ньюс" гезити
