Менден алты жаш кичүү жигит балдарыма ата боло алабы?

Мындан эки жыл мурун күйөөм менен ажырашып кеткем. Анын себеби, күйөөм ичкиликке жакын болчу жана дайыма мас абалында мага кол көтөрүп, тынчтык берчү эмес. Беш жылдай чыдап жашадым. Акыры айлам калбай калганда уулум менен кызымды ээрчитип, төркүнүмө кетип калгам. Учурда балдарым Кыргызстанда, ата-энемдин колунда тарбияланып жатышат. А мен болсо Москвага иштегени кеткем. Алты айдан бери “сүйөм” деп чуркап жүргөн алты жаш кичүү жигит менен граждандык никеде чогуу жашайбыз. Ал болсо “балдарыңа ата болууга даярмын” дейт. Бир жаман жери, экөөбүз чогуу жашагандан бери бир нан көтөрүп келбейт. Ал эми жолдошум болсо “экинчи ичпейм, кол көтөрбөйм, намаз окуп калдым, элдешели” деп жатат. Азыр эки ортодо турам. Кимисин тандаарымды билбей башым айланууда.
Аземгүл
"Азия Ньюс" гезити