Нургүл Акимова: “2021-жылы баалар 8%га чейин көтөрүлүшү мүмкүн”
Экономика министринин кеңешчиси Нургүл Акимова пандемиянын башталышы макроэкономикалык божомолдун солгундашына жана төлөм балансынын тартыштыгынын пайда болушуна алып келгенин белгилейт.
-- Нургүл айым, 2021-жылы экономикалык абалыбыз тууралуу кандай божомолуң бар?
-- COVID-19 пандемиясы Кыргызстандын экономикасына оор сокку уруп, төлөм балансынын ансыз деле курчуп турган муктаждыктарын күчөттү. 2021-жылга болжолдонгон реалдуу ИДП 12%га өсөт, баалар 8%га чейин көтөрүлүшү мүмкүн. Мамлекеттик карыздын туруктуу деңгээлин сактоо консолидацияны жана реформалоо аракеттерин талап кылат. Ички жана тышкы булактардан каржыланган мамлекеттик инвестицияларды башкарууну өркүндөтүү жана жеңилдетилген эмес карыз алуулардан алыс болуу маанилүү.
Бизнес үчүн тоскоолдуктарды жоюу боюнча конкреттүү чараларды көрүү керек, бул “байкалбаган” экономиканы көмүскөдөн чыгарып, өсүштү стимулдаштыруу үчүн жеке ишкерликтин потенциалын колдонот.
Жамиля Нурманбетова
"Азия Ньюс" гезити