Нуржигит Кадырбеков: “Экономиканы көтөрүш үчүн бизге адам ресурсу өтө маанилүү”
-- Бүгүнкү күндө 10 миңдей этникалык кыргыздар жарандык ала элек экен. Алардын көйгөйүн кантип чечсе болот?
-- Мен “этникалык кыргыз” деп айтпайт элем. Баарыбыз эле бир кыргызбыз. “Этникалык, этникалык эмес” деп... Ушул терминологияны да оңдоп-түзөш керек. Биз бул маселени “Кайрылман” деген программа менен жеңилдеткенбиз. Бирок, ошол программа аткарылбай жатат.
-- Эмнеге?
-- Бир жагы субъективдүү себептери бар. Ушул маселе менен алек болгон чиновниктердин коррупцияга аралашканы, ушул иштен бирдеке өөнөп калайын деген ниеттери да себеп болуп жатса керек. Албетте, бул чечиле турган эле маселе. Мүмкүн болушунча жеңил кылыш керек. Себеби, бизге деле адам ресурстары аябай керек. Канча жарандарыбыз мигрант болуп кетип калышты? Анан экономиканы, айыл чарбасын көтөрүш үчүн бизге адам ресурсу өтө маанилүү.
"Азия Ньюс" гезити
