Толкунбек Абдыгуловдун айткандары аткарылаар бекен?
Чет элдик валюталарды сатып алууда эч кандай чек жок. Бул тууралуу Улуттук банктын төрагасы Толкунбек Абдыгулов маалымат жыйында билдирди. Анын айтымында, Улуттук банктын резервинде 2,4 млрд. доллар бар. Сомдун курсу мындан ары түшпөйт.
«Сомдун курсунун түшүүсүнө эч кандай себеп жок. Акырындык менен коронавируска байланыштуу анча-мынча структуралык өзгөрүүлөр болуп жатат. Кытайдан келип жаткан товарлардын орду Түркия болобу, Европа болобу, өзгөрүлүп, алмашылууда. Бул эми кыска мөөнөттүү таасир болот. Бирок, эки-үч ай ичинде баары ордуна келип, ушундай абалда калат» деди Абдыгулов.
Демейде бийлик өкүлдөрү элди паника кылбаш үчүн жалган цифралары менен жооткото коюуга чебер эле. Эми Абдыгуловдун айткандары дал келип, сомдун курсу төмөндөбөсүн деп тилеп туралы.
"Азия Ньюс" гезити
