Гейлерди колдогон Рита Карасартова кызматка барса, бийликтин рейтингине доо кетет
Өлкөбүздө гейлерге жан тарткан бир топ укук коргоочулар бар. Алардын бири Рита Карасартова. Бул айым гейлерди колдоп жүрүп, эми жакында өкмөттүн билим берүү тармагындагы белгилүү бир жетекчилик орунга барганы жатыптыр.
Азыркы бийликтин жактоочулары “АКШ бизге жакшылык каалабайт” деп кыйкырып жатып, эми болсо дал ушул батыш каржылаган бейөкмөт уюмдардын жетекчилерин билим берүү системасына тарта баштадыбы? Жакында эле ОДКБнын Бишкекте өткөн саммитинде президент Сооронбай Жээнбеков Россия президенти Владимир Путинден колдоо сурап, АКШ агенттери боюнча жашыруун сүйлөшүү өткөргөнү ыраспы? Анын үстүнө Россия АКШ мамилесинде “Чет элдик агенттер боюнча мыйзам долбоору” каралып, ал эки өлкө тарабынан тең өтө сын көз карашта турганда, ОДКБнын мүчөсү, Россиянын стратегиялык өнөктөшү катары саналган Кыргызстандын билим берүү тармагына бейөкмөтчүлөрдү алып келгени кош стандарттуу саясат эмеспи? Экинчи жагынан улуттун, мамлекеттин саясатына каршы гейлерди ачык колдогон Рита Карасартованын билим берүү тармагына келиши -- бул бүтүндөй улутту шылдындоо болуп эсептелерин эске алсак, анда азыркы президенттин позициясы кандай болот? Биздин ишеним боюнча, Карасартованы колдобосо керек...
Aryba.kg
