Каныбек Осмоналиев: “Президенттин биринчи расмий визити жемиштүү болчудай”
-- Президенттин алгачкы иш сапарынан кандай чоң маселелер чечилчүдөй?
-- Президентибиз Садыр Жапаровдун биринчи расмий иш сапары дал ошол Россия Федерациясына арналганы түшүнүктүү эле иш. Анткени Россия биздин стратегиялык өнөктөшүбүз. Кыргызстан–Россия кызматташтыгы көп жылдар бою бекемделип, катаал мезгилдин сыноолоруна туруштук берип келген. Биздин президент менен Россиянын президенти эки тараптуу кызматташуунун актуалдуу маселелеринен сырткары, эффективдүү эриш-аркак алкагында мамилелерди күчөтүү боюнча пикир алышат экен. Бул жакшы! Кыргызстандын расмий делегациясынын курамын карап отуруп, абдан кеңири форматта сүйлөшүүлөр орун ала тургандыгына ынандым. Менимче, биринчи расмий визит жемиштүү болчудай. Президентибизге ийгилик гана каалайм!
Жамиля Нурманбетова
"Азия Ньюс" гезити
