Садыр Жапаров: “Элдин кызыкчылыгын аткарууга катуу бут тосуулар болуп жатат”
“Урматтуу кыргызстандыктар!
Эч кам санабаңыздар. Жасалып жаткан иштерибиздин баары элдин кызыкчылыгы үчүн болуп жатат.
Эл 30 жылдан бери талап кылып, бирок максатына жетпей келе жаткан иштер сөзсүз ишке ашырылат. Бут тосуулар болбосо (катуу бут тосуулар болуп жатат), Башмыйзам эл каалагандай кабыл алынат. Шайлоолор буюрса мартка чейин бүтөт. Парламент июнга чейин отурбайт. Кечээ “мыйзамга «запас» убакыт алалы” деп, реформалар июнга чейин бүтүш керектигин белгилеп коюшуптур. Кыскасы, “парламент июнга чейин олтурат экен” деп «паника» болбогула. 30 жылдан бери тили сайрап, бирок колунан эч нерсе келбеген, эч бир алгылыктуу иш жасабаган саясатчыларга ишенбегиле. Баары жакшы болот!” деп премьер-министр, президенттин милдетин аткаруучу Садыр Жапаров Фейсбуктагы баракчасына жазды.
