Феликс Кулов: “Депутаттар курч кырдаалда бир ай иштеп турушса болмок”
-- Депутаттар тарап кетишти, эл өз арбайын согуп, кыйналып, оор күндөрдөн чыгып кетүүгө далалаттанууда. Көптү көргөн саясатчы катары учурдагы абалга кандай баа берүүдөсүз?
-- Мыйзам боюнча июнь айында сессиялар аяктайт. Бирок каникул эки ай болбойт. Бир ай эл арасында болушуп, эл көйгөйлөрүн чече турган учур. Бирок азыр пандемия шарты болуп, эл менен бетме-бет келишип, маселе чече алышпайт. Ошондуктан ушундай курч кырдаалда дагы бир ай иш алып барышса болмок. Көп мыйзамдар, долбоорлор каралбай жатат. Булар каралса кана?
Дагы бир чоң маселе – 4-октябрда шайлоо болушу керек. Эмне үчүн президент ушундай указ чыгарды? Дапдаана жазылган буйрук даяр турат. Депутаттар бул датаны өзгөртүүгө президентке укук берсе, ноябрь же декабрь айларына жылдырса болот. Эмнеге мынча шашылуудабыз?..
Өкмөттөн болсо учурда пайда жок. Эч кандай жакшы баа бере албайбыз. Аткаруу бийлигинин жумушун эч ким колдоп, жактырып, ыраазы болуп жаткан жери жок.
Жамиля Нурманбетова
Aryba.kg
