Чет тилдерде эркин сүйлөгөн Марлен Маматалиев келечекте президент болобу?
Нурланбек Шакиев төрагалыктан кетип, ордуна Марлен Маматалиев келгени парламентте өнүгүү жолу башталыптыр. Санариптешүүгө эртелей жетишкени, кадр саясаты оңолгону, дээрлик депутаттар профилактикалык “эмдөөдөн” өткөнү, айтор, баардык жагы төп келишкени жөн жерден эместир.
Айрыкча төрага Маматалиевдин билими жогору бааланганын карагылачы! Бир канча чет тилдерде эркин сүйлөгөнү, эл аралык саясый дипломатияга дарамети жеткени – мунун баары иш-сапарлардан байкалып атыптыр. Кыраакы адамдар келечекте Марлен Маматалиевдин президент болорун божомолдошуп, ошондо гана чыныгы өнүгүүгө жетишерин айтышууда.
Ооба, аз убакытта эле парламент спикеринин аброю артып, барган өлкөлөрүндө жылуу пикирлерди жаратып, ийгиликтүү жүрүш салып жатса, белсемдүү үмүт жаратканы ушул да. Мунун өзү чоң секирик! Дүйнө жүзү жаш лидерди акырындан ушундайча тааныйт тура, туурабы?
