Атамбаевди “6-палатага” эмес, резиденциядагы үй камагына чыгарганы калыштыбы?
Башта Алмазбек Атамбаевдин психикалык саламаттыгынан шек санагандай маалыматтар чыга калчу эмес беле? Камалгандан кийин айрым билермандар ошол жагын текшертмекчи болушуп, аракет кылып көрүшкөнбү, айтор, андай пландар ишке ашпаганы каңкууланды. Эски лакапка айланган “6-палатага” жаткыза албай коюшканбы?.. Ал эми Атамбаев эч бир күнөөсүн моюнуна албай, тергөөдө да жооп бербей, атургай соттук процесстерге да келүүдөн баш тартууда. Эгерде күчкө салуу менен алпара турган болушса, анда эле ачкачылык кармоо менен саясый тобокелчиликке бара турганын билдирген. Мындай жагдайда эл аралык коомчулук да карап турат эмеспи. Эмне кылыш керек? Айрым аксакалдар президент Сооронбай Жээнбековдон суранышып, Алмазбек Атамбаевди үй камагына чыгарууга киришкени айтылууда. Балким, чатак катуу ырбай электе тил табышуу болобу? Эгерде Атамбаев түрмөдө өлүп калса аягы кандай болот? Дал ушундай баш катырмаларды ойлогучу мыйзамдын миң кырлуу изине салуу менен резиденциядагы үйүнө чыгарып койсо, ал жерге деле “түрмө” сыяктуу ашыкча киши кире албайт эмеспи... Айтор, жаңы жылга чейин ушул жагы ишке ашканы калды окшойт...
Aryba.kg
