Акыркы кабарлар
» Саясат » Элчи Гүлнара-Клара Самат мигранттардын жашоосуна кайдыгер
Элчи Гүлнара-Клара Самат мигранттардын жашоосуна кайдыгер
28-август, 10:03
Соңку убакта Россиядагы мигранттарга карата текшерүү күчөп, полиция кармап кетип аткан көрүнүштөр арбыган. Көптөгөн мекендештерибиз мындай кысымга кабылышып, кыйналгандарын соцтармактар аркылуу жар салып келишет. Москвадагы элчи Гүлнара-Клара Самат кыргыз мигранттарынын укуктарына, алардын жашоо шартына кандай өбөлгө түзгөнү, жардам бергени белгисиз. Эмне иш менен алектенип атканына, милдетин аткаруудагы вазыйпаларына ТИМ кызыгып көрдүбү? Жакынкы айларда Гүлнара-Клара Саматтын элчи болгонуна үч жыл толот. Бул аралыкта ага карата эчендеген нааразычылыктар, сын-пикирлер айтылып келди. Бирок “мекенчилмин” деген терини жамынган элчи айым эч кимди тоготпой, керт башынын жыргалчылыгы үчүн жашап жүргөндөй. Ушу убакка чейин “жарк” эткен ишин көрө албадык. Мигранттардын арыз-муңдарын укпай калганы, колунан эч нерсе келбегени кашкайган. Дал ушундай кадрлар мамлекетти артка тартып атканы өкүнүчтүү. "Азия Ньюс" гезити
