Жунушалиев менен Орозалиевди кызматтан айдабаса абал чатакпы?
Бишкекте көп кабаттуу үйлөрдөн күнү-түнү ырдаган жаштар, мастар, кыскасы, ызы-чуу! Кары картаңдарга, оорулууларга тынчтык беришпей калышты. Ал эми күндүз топтошуп ойногон балдар, деги эле адамдардын көчөлөрдө саны арбыганы кандай? Коопсуздук абалдын эрежелери сакталбай, дээрлик башаламандык өкүм сүрүүдө! Коронавирусту жуктургандар 500дөн ашып кетти. Дагы курчуса кантебиз? ИИМ башчысы Кашкар Жунушалиевдин коомчулукка кадыры болбосо, анан комендант Алмаз Орозалиевди ким укмак эле? Ушундай оор шартта Жунушалиевдин демилгелүү иштегенин көрбөй атабыз го? Же кызматтан акыры алынарын билип калып, кайдыгерликке баттыбы? Айтор, аброю “жешилгендерге” бийлик таянып алып, кайсы туңгуюкка баратканы белгисиз. Өкмөттүн баардык бутактарындагы шалаакы кадрлардын айынан нааразычылыктар курчуп баратат. Кадрдык реформа болобу? Же көйгөйлөр менен кошо күзгө барып жыгылабызбы?..
Aryba.kg
