Акыркы кабарлар
» Саясат » Соодалашабы, же камалабы?..
Соодалашабы, же камалабы?..
22-июнь, 13:40
“Бүтүн Кыргызстан” фракциясынын лидери Адахан Мадумаровдун үстүнөн козголгон кылмыш иштери боюнча депутаттык комиссия түзүлүп, бир айга жакын убакыттан бери жыйынтыгы чыга элек. Башкы прокуратура оор беренелер боюнча айыптап атканына караганда, маселе олуттуу экени айтпасак да түшүнүктүү. Аныгында, Адахан Мадумаров бийлик менен соодалашабы, же камалууга кайыл болуп, аягына чейин күрөшөбү? Депутаттык комиссиянын кандай жыйынтык чыгарары жогору жактан көз каранды эмеспи. Алар буйрукту гана аткарышат. Жоопкерчиликке тартууга уруксат беришеби? Эгерде “Бүтүн Кыргызстандын” лидери бу саам кылтакка илинбей калса, анда күздөн тарта күчөп, бийликке моюн бербей кетери айкын. Андан ары түз эле президенттик шайлоого даярданып, негизги атаандаш катары чыгабы? “Канды ичип” баштасачы? Ошондо “жоо аяган жаралуу” деген кепти эрксизден эстешеби? Айтор, азырынча арсар ойлор азгырып тургандай... "Азия Ньюс" гезити
