Коррупцияга айыпталган Айбек Токоевдин байлыгы баш айлантты
2021-жылдын 18-январында УКМК тарабынан мурдагы финполдун чиновниги Айбек Токоевкармалган. Ал 2014-2020-жылдар аралыгында көптөгөн байлыкка ээ болгону, мүлктөрү жакын туугандарына көмүскө түрдө катталганы айтылат. Алдын ала эсептөөлөр боюнча, кыймылсыз мүлк жана финансылык активдери 4 миллион долларга бааланып, мыйзамдуу кирешесине дал келген эмес. Ушундай оор айыптарга чырмалган Айбек Токоев түрмөдө көпкө отурбай эле мамлекетке 25 миллион сом төлөп, эркиндикке чыгып кеткени маалымдалган. “Күкүмүн” гана себелеп койгонбу? Дегенибиз, учурда ал Ошто соода борборун куруп, ишкерлигин жандантып, күрдөөлдү иштеп атыптыр. УКМК дагы бир текшерип койсо эп болобу? Чын эле эбегейсиз бай тура, катып койгондору сары майдай сакталып калса кантебиз? Баш айлантчудай...
"Азия Ньюс" гезити
