Феликс Кулов менен терең сыймыктанган Аида Салянованын билдирүүсү
Мурдагы башкы прокурор Аида Салянова соцтармактагы баракчасына мындайча билдирүү таратты:
“Биз конокко чакырган ар бир замандашым менен терең сыймыктанам. Тарыхты адамдар жаратат. Тарых - бул тагдырлар, сыноолор, аракет менен каталар. Саясаттабы, кызматтабы Кулов жөнүндө ыплас нерсе укканым жок. Мамлекетке кыянаттык кылып же эл эсебинен байыган болсо, жарык жүзү менен жаштарга насаат айтуу кыйынга турмак” деп.
Кызык, Аскар Акаевдин доорунда Феликс Кулов коррупцияга айыпталып, түрмөгө түшүп, кийин Курманбек Бакиев менен тандемге барып, анан жыдыганы белгилүү. Соңунда “Фронт” түзүп, оппозициядагы тилектештерин таштап кетип, Өмүрбек Суваналиев баш болгон лидерлер камалганы эсибизде. Акыркы жылдары бийликке “адвокат” сымал жагалданып, “дүжүр чалга” айланганы жалганбы? Элибиз баарын көрүп турат. Таңгалычтуусу, Аида айым үчүн Кулов пакиза, жүзү жарык адам экен. Терең сыймыктанарын да жашырбаптыр. Баракелде!
