Өмүрбек Текебаев да аламан жарышка чыгабы?

26-июнь, 19:41

726 ᠌ ᠌ ᠌ ᠌᠌ ᠌ ᠌᠌

Германиядагы элчи Өмүрбек Текебаев депутат Шаирбек Ташиевге “саяпкер” катары акыл-насаатын айтыптыр. Мурдагы шайлоодо Камчыбек Ташиевдин аты менен шайланганын, эми болсо өзүнүн дарамети менен өтүшү керектигин белгилептир. Өмүке саясый күрөшкө карай сүрөөнчү болуп, бир тууган Ташиевдерди колго алып, түпкүрүндө арканды алыс ыргытып жаткандай. Жөн жерден пиар кампания башталбасы белгилүү. Шаирбек Ташиев Сузактан парламенттик шайлоого аттанса, Өмүрбек Текебаев Базар-Коргондон жарышка чыкса, эмнеге жарабасын? Акчасы арбын, харизмасы куп келишет. Анан калса, алдын ала жолун тазалап, “жыландын башын кылтыйтып” аткан кербези. Ноябрга аламан жарыш белгиленсе, Текебаев сентябрдын башы менен Германиядан учуп келери каңкууланууда.   

"Азия Ньюс" гезити