Чыңгыз Эсенгул уулун баалагандар арбын экени байкалды
Маданият, маалымат, спорт жана жаштар саясаты министринин 1-орун басарлыгынан Чыңгыз Эсенгул уулу баса берди. Коомчулукта түшүнбөстүктөр жаралууда. Өз тармагын терең билген, билимдүү кадрды кодулагандай жумуштан кетирүү кайсы логикага сыят? Министр болуп келген Мирбек Мамбеталиев Жогорку Кеңештен маданият тармагы боюнча суроолорго жооп бере албай, алгач эле күнү мүдүрүлдү. Деңгээлин, дараметин көрсөтө албай, уят болду. Чыңгыз Эсенгул уулу менен салыштырганда, асман менен жердей го? Бул жагын анализ кылгандар айдан-ачык эле аңдап турушат. Ошондо иштин көзүн билгендерди, мындайча айтканда, кыйын адистерди четке сүрүп, “эрке балдарды” жасалма түрдө карьера жасатуу өкүмзордугу башталдыбы? Эмнеге шашып баратабыз, жакында бирдеме болобу? Кызык. Кыскасы, эл арасында Чыңгыз Эсенгул уулун колдогондор, баалагандар арбын экени байкалды.
"Азия Ньюс" гезити
