Экс-мэр Урмат Самаев акталып, акыл-эстүү адамдар таңгалууда

2023-жылдын 17-апрелинде Токмок шаарынын мэри Урмат Самаев атайын аскерлердин операциясы менен кармалган. Шоу маанайында коштолуп. Ал коррупцияга айыпталып, 130 миллион сомду “сологонго” шектелгени ЖМКларга жабырап чыкпады беле? Бирок көп узабай 29-апрелде үй камагына чыгып, ошондон бери тынчып калган. А баса, эсибизде, Урмат Самаев кармалганда эч нерсе түшүнбөй жатканын, коррупцияга тийешеси жоктугун айткан эле. Ошентип, убакыт өтүп, үстүбүздөгү жылдын 13-январында Жогорку сотто анын иши каралып, акталганы боюнча маалымат желдей тарады. Албетте, күнөөсүз болсо акталышы шарт. Кыскасы, бул көрүнүшкө акыл-эстүү адамдар таңгалууда. Урмат Самаевге окшоп, дагы канча чиновник, бизнесмендер акталышат болду экен? Бүйүр кызыткан кезең али алдыда окшойт...
"Азия Ньюс" гезити