Кенже Дүйшеева: “Аппак гүл” ырларымдын эң жакыны...”
КРнын эмгек сиңирген артисти Кенже Дүйшеева “Аппак гүл” деп аталган жаңы клипти даярдап бүтүп, күйөрмандарына сунуштады. Бул тууралуу ырчы айым социалдык баракчасы аркылуу маалымдады.
“Аппак гүл" сиздер үчүн жаңырат. Клипке назарыңыздарды бурабыз. Чыгармачылыкта абдан көп ырларды аткарып жүрөм. Бирок менин да жүрөгүмө жакын жакшы көргөн ырларымдын жакыны ушул чыгарма. Башка ырларым таарынбасын, мен үчүн баары жакшы. Бир ырдын элге жетүүсүнө мен гана эмес, бир топ адамдардын мээнети, салымы да бар. Баарыңыздарга чоң ырахмат”,-деп жазды ырчы айым.
Кошумчалай кетсек, Кенже Дүйшеева кыргыз-шоу бизнесинде өзгөчө орду бар талантуу ырчы айымдардын бири. Учурда “Томирис” продюссердик борборунун директору, “Жебе” тобунун продюссери катары дагы иш алып барып келет.
