Жол кырсыктан кыргыз журналисти каза болду
Россиядагы жол-транспорт кырсыгынын кесепетинен кыргызстандык жаран каза болду.
Кырсык 7-декабрда Смоленск облусундагы унаа жолдо болгон. Айдоочу — 1970-жылы туулган Мырза Добутов Тула шаарын көздөй бара жаткан.
Ал үй-бүлөсү менен Смоленск облусунда жашачу. Бирок Тула шаарында иштечү. Кырсык болгон күнү "КИА Рио" үлгүсүндөгү унаасы менен үйүнөн Тула шаарына жөнөгөн. Ал алдындагы унаадан ашып өтүүгө аракет кылган учурда оң тарабындагы унаага тийип, карама-каршы тилкеде келе жаткан оор жүк ташуучу унаа менен кагышкан. Тез жардам кызматы келгиче каза болгон. Унаада өзү эле болгон. Ал ишкерлик менен алектенчү.
Мырза Добутов 3 уул, 1 кыздын атасы болчу.
Эскерте кетсек, ал Кыргызстандагы телеканалдарда оператор, алып баруучу, башкы редактор жана Баткен облусттук телеканалда жетекчи болуп иштеген.
Aryba.kg
